ދެފާދިރީން ރާއްޖެ ގެންނަނީޔޯ!

ލިޔުނީ: ފާތުން

ރާއްޖެއަށް ގެންނަންމިއުޅެނީ ދެފާދިރީން !

ގުއަންޓަނާމޯބޭ ޖަލުގައިތިބި ކުށްވެރިންގެ ތެރެއިން ދެމީހެއްކަމަށްބުނެ ދިވެހިސަރުކާރުން ރާއްޖެއަށް ގެންނަން މަސައްކަތްކުރަމުން ގެންދަނީ ނަޞާރާދީނުގެ ދެފާދިރީން ކަމުގައި ނަންހާމަނުކުރުމަށް ބެނުންނުވާ ރައީސްއޮފީހުގެ އޮފިޝަލަކު ހާމަކޮށްފިއެވެ. މިކަމަކީ ދިވެހިސަރުކާރުގެ މިހާރުގެ ޢަމަލުތަކަށް ބަލާއިރު ނުވުމަށްވުރެން ވުން ކާރިކަމެކެވެ. ސަބަބަކީ މިފަދަ ކަންތައްތައް މަނާކޮށްފައިވާ، ދިވެހިރާއްޖޭގައި އިސްލާމްދީން ހިމާޔަތް ކުރުމާއިބެހޭ ޤަވާޢިދު ސަރުކާރު ގެޒެޓްގައި ޖެހުމަށް އެދި އިސްލާމިކް މިނިސްޓްރީން ފޮނުވުމުން ރައީސް އޮފީހުން ވަނީ ޖަހާނުދީފައެވެ. އަދި ތަޢްލީމީ މަންހަޖުން އިސްލާމް މާއްދާ މަތީޡާނަވީގެ ދަރިވަރުންނަށް ވަނީ އުނިކޮށްފައެވެ.

އެމްޑީޕީ ސަރުކާރުގެ މިފަދަ ޢަމަލުތަކަށްބަލާއިރު މިކަމަކީ ބިރުގަންނަންޖެހޭ ކަމެކެވެ. އެބުނާދެމީހުންނަކީ ގުއަންޓަނާމޯބޭ ޖަލުން ގެންނަދެމީހުނަށްވުމަށްވުރެން ހުޅަގާއި އެމެރިކާގެ އެދުމުގެ މަތިން ދިވެހިރާއްޖޭގައި ނަޞާރާ ދިން ފެތުރުމުގެ މަސައްކަތަށް ގެންނަދެމީހުނަށް ވުމަކީ ވަރަށްގާތުގައިވާ ކަމެކެވެ. އެމެރިކާއިން ޖަލުގައި ގެންގުޅެ ޖަރުމަނުގެ ނާޒީންވެސް ލަދުގަންނަފަދަ ލާއިންސާނީ ވަހުޝީ އަނިޔާތަކެއް ކޮށްފައިވާ ބަޔަކު އެހެންޤައުމާކާއި ހަވާލުކުރާނެ ކަމަށް ޤަބޫލުކުރަން ވަރަށް ދައްޗެވެ. ސަބަބަކީ އެފަދަ ކަމެއްކޮށްފިއްޔާ އެމެރިކާ އިތުރަށް ފަޟީޙަތްވެގެންދާނެއެވެ. އަދި ދުނިޔޭގެ ކުރިމަތީގައި އެމެރިކާގެ އަނިޔާވެރިކަން އިތުރަށް ހާމަވެގެންދާނެއެވެ. އެފަދަ ކަމެއް ކުރާކަށް އެމެރިކާއިން ބޭނުމެއްނުވާނެއެވެ.

އެމަނިކުފާނު ބޭނުންފުޅުވަނީ ދިވެހިޤައުމާއި ރައްޔިތުން ވިއްކާލައިގެން ނަމަވެސް ނޮބެލްޕްރައިސް ހާސިލް ކުރައްވާށެވެ. މިވެރިކަމަކީ ފަސްއަހަރުގެ އެއްދައުރުގެ ވެރިކަމެއްކަން ޚުދު އެމަނިކުފާނަށްވެސް އެގިވަޑައިގަންނަވައެވެ. އެހެންވީމާ މިހާރު މަސަކައްކަތް ކުރައްވަމުން މިގެންދަވަނީ ދައުރުނިމުމުގެ ކުރިން ޔަހޫދީން ނާއި ނަޞާރާއިންގެ ރުހުން ލިބޭތޯއެވެ.